Дөньяда кадерлерәк бер сүз дә юк

«Дөньяда кадерлерәк бер сүз дә юк »дигән шигъри сәгать үткәрде. Илебездә билгеләп үтелә торган күпсанлы бәйрәмнәр арасында Әниләр көне аерым урын алып тора. Бу бәйрәмгә беркем дә битараф кала алмый. Бу көнне балаларына мәхәббәт һәм наз бүләк иткән барлык аналарга да рәхмәт әйтәсе килә. Шәвъядыда авыл китапханәсе бу бәйрәм кысаларында шигъри сәгать үткәрде. Чарада катнашучыларны бәйрәмнең тарихы-Әниләр көне белән таныштырдылар. Әниләр турында бик күп әсәрләр, җырлар, шигырьләр язылуы турында сөйләделәр. Чара ахырында катнашучыларга үзләренең гаҗәеп әниләре турында сөйләргә тәкъдим иттеләр һәм нәтиҗә ясадылар: әни һәрвакыт сәламәт һәм бәхетле булсын өчен аны күбрәк сөендерергә һәм азрак борчырга тырышырга кирәк.

Кояштай булсын әниләрнең гомере.