Бәйрәм белән Сезне, гүзәл затлар

Районыбызда яшәгән  кызларга, хатыннарга, әбиләргә мәдхия җырлады көчле зат вәкилләре бу көнне. Чәчәк гөлләмәседәй булды һәр чыгыш.

Район Хакимияте башлыгы Илгиз Субушев районыбызның һәр нәфис зат вәкилләрен Яз һәм наз бәйрәме белән котлады һәм ихлас тәбрикләү сүзләре җиткерде. Илгиз Әхвәс улы  Республиканың  Үзәк Сайлау комиссиясененң Рәхмәт хатларын  үзәк китапханә системасы буенча директор урынбасары Әлфидә Муллагалиева һәм  үзәк китапханәнең библиографы Зилә Кашаповага тапшырды. Район Хакимиятенең Рәхмәт хатларын районда уңышлы эшләгән бер төркем хатын-кызларга  бүләк һәм чәчәк гөлләмәләренә кушып тапшырды.

Район Хатын-кызлар советы рәисе Элина Биктубаева райондашларны бу күркәм бәйрәм уңаеннан котлады.

Махсус хәрби операциядә булган якташларыбыз әниләре, тормыш иптәшләре, кызларына видеосәлам юллаган. Моңлы җырлар, дәртле биюләр, ихлас чыгышлар белән зур концерт үтүе сизелми дә калды.

Ихлас тәбрикләүләр күтәренке кәеф, шатлыклы мизгелләргә бәйрәм алдын бизәде.