Якташыбыз, Башкортстанның халык рәссамы Георгий Калитов вафат...

Георгий Гайниахметович 1952 елда Балтач районының Түбән Иванай авылында туган.

Уфада 70нче яшендә танылган рәссам, график, монументалист, педагог, Башкортстанның халык рәссамы, БРның атказанган мәдәният хезмәткәре, Салават Юлаев исемендәге БР Дәүләт премиясе лауреаты Георгий Калитов вафат булган.

Георгий Гайнияхметович Калитов 1995 елдан Россия Рәссамнар берлеге әгъзасы, 1979 елдан республика, декада, зона, Бөтенсоюз һәм Бөтенроссия күргәзмәләрендә катнаша. Эзлеклелек, игътибарлылык, үз эшенә бирелгәнлек һәм чын профессионаллык останың бөтен иҗади юлын тасвирлый.

Георгий Калитовның таланты һәм югары профессионализмы сынлы сәнгатьнең төрле төрләрендә һәм жанрларында чагыла. Монументаль рәсем ясау өлкәсендә күп һәм уңышлы эшләгән шәхес ул. Аның иҗаты республика, аның халкының холкын, мәдәниятен, милли колоритын, дөньяга караш һәм тыныч яшәү үзенчәлекләрен чагылдыра.

Георгий Калитовның иҗади һәм профессиональ карашлары Башкортстанда формалашкан. Аның сәнгатендә жанр картинасы әйдәп баручы урынны алып тора. Ул күпмилләтле республикада яшәүче халыкларның туган тарихы өстендә күп эшләде. Башкорт халкынып рухилыгы Рәшит Зейнетдинов белен автордашлыкта язылган һәм башкорт сынлы сәнгатенең классикасына әверелгән «Җир рухы» һәм «Йолдызлык» монументаль әсәрләрендә оста ачыла; музыкальлек — «Башкортстан моңнары» витражларында.; мари халкының теле, рухы - «музыкантлар», «Раштуа», «Бию», «Белая птица» («Мари йолалары») авторитографик битләр сериясендә.

Георгий Калитовның әсәрләре төрле халыкларның тарихына һәм мәдәниятенә карата патриотизм, хөрмәт һәм мәхәббәт белән сугарылган. Ул үз картиналарында халык абруен, көчен, мәхәббәтен, хезмәт сөючәнлеген, кунакчыллыгын, талантын, юмартлыгын, кешелеклелеген гәүдәләндерә алды.

Георгий Калитов шулай ук театр-декоратив сәнгатьтә дә үзен уңышлы күрсәтте. Башкорт дәүләт курчак театры белән хезмәттәшлек елларында аларга «Огненные стрелы» (А. Фәтхуллин), «Серле сәяхәт» (С.Алибаев), «Кара тартма» (Н. Гаитбаев), «Озын, озак балачак» (Мостай Кәрим) спектакльләре тәкъдим ителгән.

Аның әсәрләре М.В. Нестеров исемендәге Башкорт дәүләт сәнгать музеенда, БР Милли музеенда (Уфа), Марий Эл Республикасының республика сынлы сәнгать музеенда (Йошкар-Ола), Марий Эл Республикасының Милли музеенда саклана. Т. Евсеева (Йошкар-Ола), Башкорт дәүләт университетында, шулай ук Россиядә һәм чит илләрдә шәхси коллекцияләрдә зур урын алып тора.

Георгий Гайнияхметович республиканың иҗтимагый тормышына да зур өлеш кертте. Аның инициативасы һәм ярдәме белән Дүртөйле районының Яңа Манчар авылында авыл картиналар галереясы төзелде, ул «Эрвел Мари» Мари милли-мәдәни автономиясе һәм «Башкортстан Республикасының фин-угыр халыклары Ассамблеясы» төбәк иҗтимагый оешмасы эшчәнлеген оештыруда һәм үстерүдә актив катнашты.

Иҗади һәм иҗтимагый эштән тыш, Георгий Калитов күп еллар гомерен педагогик эшчәнлеккә багышлады. Ул республиканың сәнгать белеменә, Уфа сәнгать училищесында укытып, бәяләп бетергесез өлеш кертте. Ул яшь рәссамнар плеядасы тәрбияләгән кеше.

Мәрхүмнең туганнарының һәм якыннарының тирән кайгысын уртаклашабыз.

Георгий Калитов туган авылында җирләнәчәк.