Халыкара тәмәке тартудан баш тарту көне

Тушкыр авыл китапханәсе тәмәке тартуга каршы "Тәмәкене конфетка алыштыр"акциясе үткәрде. 15 ноябрь – Халыкара тәмәке тартудан баш тарту көне. Акциядә катнашучыларга китапханәче тәмәкеләрен махсус курс буенча конфетка алмаштырырга тәкъдим итте: 1 конфет — 1 тәмәке. Барлык тәмәке тартучыларны бер генә көнгә булса да тәмәкедән баш тартырга һәм тәмәке тартуның сәламәтлеккә ни дәрәҗәдә зыян китерүе турында уйланырга чакырды. Чара барышында китапханәче авылдашларына тәмәке тартуның зыяны, җәмәгать урыннарында тәмәке тартуны тыючы закон һәм тәмәке тартмаган кешеләргә тәмәке төтененең ничек тәэсир итүе турында сөйләде. Шулай ук чарада катнашучылар тәмәке тартучы кешеләргә нинди куркыныч нәтиҗәләр китерүен белделәр.