Сак булыгыз! Мошенниклар

"Сак булыгыз! Мошенниклар!» профилактик чарасы халык өчен үтә файдалы булды. Мошенниклык очраклары ешаю сәбәпле, Асавка авыл модель китапханәсе авыл клубы хезмәткәрләре  белән берлектә үткәрде аны. Авыл халкына мошенниклыкның яңа ысуллары турында сөйләделәр, теге яки бу ситуациядә үзеңне ничек тотарга, ничек корбан булмаска, нинди тәртип кагыйдәләрен истә тотарга кирәклеге турында аңлаттылар. Әңгәмә барышында барысын да бик уяу булырга чакырдылар. Акциядә катнашучыларның барысы да «Үзеңне һәм якыннарыңны мошенниклыктан сакла» белешмәсен алды, җинаятьчене ничек танырга һәм аның корбаны булмаска өйрәнделәр...