Балан бәлешен Татарстанда, беләсезме ничек тәмле итеп пешерәләр?!.

Баланнан төрле мич ашлары пешергә була - пирог, бәлеш, пирожки. Хәтта балан катыгы да бик тәмне килеп чыга. Шулай ук эчлек тә төрлечә ясала.

Җиләк-җимештән компот ясаганда балан кушып җибәрсәң бик тә тәмле хәм файдалы.

Баланны яратмаган кеше бик сирәктер, минемчә.

Баланда С витамины бик күп, күп чирләрдән дәва дип языла.

Без дә бик яратып ашыйбыз балан белән пешкән тәмнушкәләрне.

Мин дә балан бәлеше рецепты белән бүлешәм:

Эчлек:

1,5 кг балан

1 стакан арыш оны

1 стакан песок

Камыр:

1,5 стакан су

0,5 стакан сыек май

1 чәй калагы песок

0,5 чәй калагы тоз

Он (күпме ала)

Камырны катырак басып, эчлекне салабыз һәм матур итеп бәлешне төреп эссе мичтә пешерәбез 1,5-2 сәгәть. Өсте кызаргач фольга белән каплыйбыз. Аннары мичнең градусын киметәбез. Мичтән алгач та әле бәлешне төреп 4-5 сәгәть тотсак тәмләнеп кенә тора.

Суынгач инде бәлешне телемнәргә бүлгәләп өстенә сироп (1 стакан суга 5 аш калагы песок болгатып) коябыз.

Сеңеп беткәч бик тәмле була.

Кәйнәм өйрәткән бәлеш.

Ул авыл мичендә пешерә, телеңне йотарлык була.

Гульнара Фархутдинова

РЕЦЕПТЫ ТАТАР | РИЗЫКЛАР | Татарстан | Казань