+29 °С
Болытлы
Барлык яңалыклар
Балаларның җәйге ялы
28 июнь 2021, 15:52
Җәйге ял күңелле үтә
“Яшьлек” физкультура-сәламәтләндерү комплексында "Ура, Каникуллар!" дип исемләнгән балалар өчен спорт-сәламәтләндерү чарасының 1 агымы тәмамланды.
Җәйге каникуллар һәр бала өчен иң озын, иң яраткан һәм иң көтеп алынган вакыт. Алар балаларның буш вакытының шактый өлешен тәшкил итә. Җәй—чагу буяулар белән тутырылган, җылы ягымлы кояш белән җылытылган, җәйге җил белән сугарылган кечкенә тормыш ул. Ирек һәм маҗаралар, яңа танышулар һәм онытылмаслык тәэссоратлар бала тормышында мөһим роль уйный.
Менә “Яшьлек” физкультура-сәламәтләндерү комплексында "Ура, Каникуллар!" дип исемләнгән балалар өчен спорт-сәламәтләндерү чарасының 1 агымы тәмамланды. Безнең тренерлар һәм инструкторлар нәниләрнең җәйге ялын күңелле һәм мавыктыргыч итеп үткәрү өчен күп көч салдылар. Чыннан да якты хатирәләргә бай булды ул.
Көн саен рациональ төзелгән эш планы—иртәнге гомумфизик күнегүләр, төрле гыйбрәтле һәм тәрбияви темаларга әңгәмәләр, иҗади конкурслар һәм бассейнда коену балаларга чыныгу, ә иң мөһиме – сәламәт булырга ярдәм итте. Балалар өчен шаян уеннар, йөзү буенча ярышлар, интеллектуаль бәйгеләр, ГТО нормативларын кабул итү һәм башка бик күп чаралар үткәрелде.
"Ура, Каникуллар!" спорт-сәламәтләндерү чарасында актив катнашкан балаларга тантаналы рәвештә бүләкләр һәм Мактау грамоталары тапшырылды
Балаларыбызга яхшы ял итүләрен, җәйге маҗаралардан иң уңай хис-кичерешләр алуларын телибез. Беренче агым тәмамланды, әмма җәй дәвам итә. Димәк, балалар өчен “Ура, Каникуллар!"ның икенче агымы оештырылачак. Ул 29нчы июньнән алып 10нчы июльгә кадәр дәвам итәчәк.
Фәрит Галимов,
“Яшьлек” физкультура-сәлатәтләндерү комплексы директоры.
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571