Һөнәргә тугры булып

Балтач үзәк район хастаханәсендә атналык оператив киңәшмәсендә  агымдагы эшкә йомгак ясалды, якындагы чорга өстенлекле бурычлар билгеләнде һәм оештыру мәсьәләләре каралды. Рамилә Нәзиф кызының юбилее белән котлау очрашуның аеруча җылы мизгеле булды.  Юбилярга күпъеллык хезмәте, югары профессионализмы, җаваплылыгы һәм районның сәламәтлек саклау өлкәсенә бәяләп бетергесез өлеше өчен ихлас рәхмәт сүзләре җиткерелде. Больница коллективы Рамилә Нәзиф кызына ныклы сәламәтлек, иминлек, күңел җылысы, хезмәттәшләренең ихтирамын һәм пациентлар хакына тагын күп еллар нәтиҗәле хезмәт итүен теләде.