Осталык дәресләре

Күп чараларда район мәдәният сараенда тамашачы залга кереп утырыр алдыннан күргәзмә карый. Матурлыкка соклану бер хәл, биредә аны булдырырга да өйрәтәләр. Әйе, үз кулың белән оста кеше киңәшләрен кулланып эшләргә мөмкин аны. Ничек аны эшлиләр икән, дип аптырап торасы юк. Күп эшне үз кулларың белән башкарсаң гына өйрәнеп була бит ул. Форсаттан файдаланучылар бар.

Балалар сәнгатьмәктәбе укытучысы Ләйсән Субушева кечкенә кызларны фетр тукымасыннан чәчәкләр эшләргә өйрәтте. Балалар иҗаты үзәге укытучысы Миләүшә Фәтхинурова тукыма кисәкләреннән һә дигәнче брошь эшләү серләрен теләгән һәркемгә өйрәтте. Вакыт җилләре яңалыкка бай. Алга омтылганнар уңышка ирешә.