“Саумы, әти!”

Уллар – әтиләрнең иң яхшы дәвамы, аларның горурлыгы һәм шатлыгы. Башкортстаннан Борис Гулинн - “Шахтер” позывнойлы яугирнең әтисе шундый фикердә. Бу хакта “Башинформ” сайты хәбәр итә.

Исегезгә төшерәбез, Борис Гулин 2023 елны Донбаска Башкортстаннан барган икенче гуманитар автоколоннаны озатып барган. Аларны яугирләр каршы алып фураны бушаткан чакта, арттан “Саумы, әти!”  дигән тавыш ишетелгәч, аптырап артына әйләнеп караса – улы басып тора.

Әти кеше махсус хәрби операция зонасына барганда, әлбәттә, улы турында уйлануын, әмма аның белән очрашуын күз алдына да китермәве турында белдергән.